ကျွန်ပညာရီးစနစ်နန့် ငါရို့အနာဂတ်

ထိုးတရက်နိကကျွန်တော်နန့်ကျွန်တော့သူငယ်ချင်းနန့်နှစ်ယောက်ရခိုင်သတ်ပုံအကြောင်းနန့်ပတ်သက်လို့ဆွေးနွေးဖြစ်ကတ်တေ။ရခိုင်သားမှာစာဟိခရေ။ကိုယ်ပိုင်သတ်ပုံဟိခရေ။အဂုမှပြန်လိုက်ဖို့ပျင်နီကတ်တေ။ကောင်းအခက်အခဲတိနန့်ကြုံရပါရေ။ထင်ယောင်ထင်မှားဖြစ်စီရေစာလုံးပေါင်းတိအများကြီး။ယှင်းရဖို့ကိစ္စအများကြီး။သတ်ပုံယှင်းဖို့ဆိုပနာကိုးကားဖို့ရှိကစာတိကိုရှာကြည့်ရေခါကျောက်ရစ်ကေဆရာတအုပ်ရာမြင်ရေလို့ကျွန်တော့်သူငယ်ချင်းကထောက်ပြရေ။ကျွန်တော်ရို့ပြန်ကြည့်ကတ်ခါအဂေါင့်ဂေါင့်ပင်ယင်းစာအုပ်နန့်တစ်ချို့မပျောက်ကွယ်သိရေစာတချို့ရာတွိရဗျာ။အများအားဖြင့်ကအောက်သားမှုအပြုခံလိုက်ရဗျာယ်။အံ့သြဖို့ကောင်းစွာကရခိုင်နိုင်ငံလွတ်လပ်ရီးဆုံးယှုံးပြီးရေနောက်ပိုင်းရခိုင်စာရီးဆရာတိကရခိုင်စာ(ရခိုင်ဝေါဟာရသုံးစွဲထားသောစာ)ထက်အောက်သားစာ(ဗမာဝေါဟာရသုံးစွဲထားသောစာ)နန့်ရီးသားခကတ်တေ။ကျွန်တော့်သူငယ်ချင်းကဇာဖြစ်လို့လဲဆိုစွာစဉ်းစားလို့မရလို့ပြောရေ။ကျွန်တော်လေ့သော့အချေခါဖတ်ခစွာရမ်းဗြဲတောင်ကျောင်းဆရာတော်ရီးရေရခိုင်ရာဇ၀င်သစ်ကျမ်းအကြောင်းဂေါင်းထဲရောက်လားရေ။ယေလောက်ကြက်သိန်းထက်ဖို့ကောင်းရေသမိုင်းကြောင်းကိုအောက်သားစာနန့်ဇာတွက်ရီးခစွာလေ။မင်းသားကြီးရွှေဘန်းသီတမ်းစာကိုဇာတွက်အောက်သားလီသံနန့်ရီးခရလေ။"မှန်စွာမချွတ်၊သူမသတ်လည်း၊မလွတ်တစ်ခါ၊သေအံရာတည်း၊ကမ္ဘာမကြေ၊သူတို့သေလည်း၊အသေမဆိုး၊ငါမြေထိုးလဲ၊အရိုးတစ်ခါတွန်လိမ့်ရာတည်း၊နောက်သားနောက်လူ၊ရခိုင်သူတို့၊မယူမပြောင်း၊ငါ့လမ်းကြောင်းကို၊ကောင်းကောင်းလိုက်နာ၊တိုင်းဓညာကို၊တစ်ခါမုချငါတို့ရအံ့၊လုံ့လရှေ့သန်၊လူလျင်ကြံက၊အမှန်မချွတ်၊လက်ဝါးခတ်သည်၊စွဲမှတ်ဤစာသေတမ်းတည်း။"အဂုခိုက်မှာတော့ခါရွှေအဖြစ်ပြောင်းလားပါဗျာယ်။မင်းသားကြီးရွှီဘန်းရာအမှန်လာ။စာလုံးပေါင်းခါသေစွာရာမှန်လာ။ငါရို့တိလို့ရာပြောကေလေ့ရီးခါငါတို့လို့ရာအောက်သားလီသံနန့်ရီးရလာ။ရတုအမှန်ကိုကျွန်တော်ပါ၊ကျွန်တော့သူငယ်ချင်းပါနှစ်ယောက်စလုံးမဖတ်ဖူးလို့နောက်ပိုင်းဆရာတိကအောက်သားမှုပြုခလီလာလို့ဖြေစဉ်းစားကတ်ပါရေ။ထင်ရစွာတစ်ခုကတော့ခါအင်္ဂလိပ်တိကအောက်သားစာကိုဗမာပြည်နယ်မှာသင်ခိုင်းစွာကစလီဖို့ထင်ယင့်လို့သူငယ်ချင်းကထောက်ပြပါယင့်။ယင်းခါကရခိုင်သားတိပြန်လို့စာသင်ကတ်ခါအောက်သားစာရာသင်လီရပါဖို့ဗျာယ်ယပိုင်ဆိုကေ။မိဖတိကလေ့စာမတတ်တေခါဘွဲ့ရလာရေသားချေ၊သမီးချေတိပြောစွာလီသံရာပိုမှန်ရေpronunciationလို့လက်ခံကတ်လီခကတ်ဖို့ဆိုပနာကျွန်တော်ကဇောတကတက်ကြည့်ရေခါ၊ကျွန်တော့်သူငယ်ချင်းကအဖိုးယှင်ရို့၊အဘောင်ယှင်ရို့ကဟိရေမဟိလို့လီသံထွက်ခကတ်ကေလေ့ကျွန်တော်ရို့ယှိရေမယှိလို့သုံးနှုန်းနီကတ်စွာကိုထောက်ပြပါရေ။ယှိမယှိအသံရာပိုမှန်ရေထင်လို့ဘာဘာ၊မေမေမေရို့ရခိုင်စကားကိုpronunciationအမှန်ထွက်နိုင်အောင်မထောက်ပြပါမလားချင့်။ရခိုင်သားတိကလေ့စာသိမ်းခံရလို့စာမက်တေလူမျိုးဆိုခါကိုယ့်စကားကိုယ်မပြောဘဲနန့်စာစကားပြောကတ်ပါလာမသိ။ဟိလေ့ယှိဖြစ်လီဗျာယ်၊စိုင်းစားလေ့စမ်းစားဖြစ်လားဗျာယ်။လီသံလီသံ။အရာအဂုလောင်ဗွန်းကိုပန်းကန်အဖြစ်၊ပဆို့ကိုစောင်အဖြစ်သုံးစွဲလာကတ်စွာတွိလာကတ်ရရေ။ပန်းကန်ဆိုမှပိုကန်ရေ၊စောင်ဆိုမှပိုနွီးရေထင်ရေဟိဖို့လို့ကအားမလိုအားမရပြောဖြစ်ပါရေ။မဟုတ်လောက်လို့ကျွန်တော့သူငယ်ချင်းက။အရာလေ့ဒေသူမှာအကြောင်းပြချက်ဟိသိလာလို့ဆက်ပြောနားထောင်မယ်ဆိုခါယင်းသူကကျွန်တော်ရို့စွာစာအခိုးခံရလို့စာမွတ်စွာအမှန်ပါလတ်။ယေကေလေ့အချေတိစာသင်ရရေဆရာ၊ဆရာမတိကအောက်သား၊အောက်သမတိများစွာကို။စာသင်ဖို့အတတ်ပညာကိုလားသင်ခီကတ်တေခိုက်သစ်ရခိုင်ဆရာမချေတိ၊ဆရာချေတိကလေ့စာသင်ခြင်းအတတ်ပညာကိုအောက်သားဆရာကြီးတိပါးမှာတကူးတကသင်ခရစွာပါကို။ယေခါယင်းသူရို့သင်ခိုင်းလိုက်တေknowledgeတိကရခိုင်သမိုင်းကြောင်း၊ရခိုင်စာပီအကြောင်း၊ရခိုင်ယဉ်ကျေးမှုအကြောင်း၊ရခိုင်ဂီတအကြောင်း၊ရခိုင်အကြောင်းတိမဟုတ်။အောက်သားယဉ်ကျေးလိမ္မာအကြောင်းတိရာဖြစ်နီရေ။အောက်သားသမိုင်းစာအုပ်၊အောက်သားပထ၀ီ၊အောက်သားဂီတ၊အောက်သားလီသံ။အောက်သားလီသံ။အောက်သားအသံထွက်။အောက်သားအတွေးခေါ်၊အောက်သမစရိုက်ရိုက်ခတ်လီချဝေဒေသူရို့အားလုံးပါးမှာ။မြန်မာလို့ယုံလာစီချဝေ။ရခိုင်သားသွီးသစ်ချေတိကိုသင်နီရေအကြောင်းအရာတိအားလုံးနောင်တချိန်မှာရခိုင်ချေတိကရခိုင်ဆိုစွာဇာပိုင်စွာမျိုးလဲအစရှာလို့မရလီအောင်။တဖြည်းဖြည်းမျိုးဖြန်းလာစွာလောကသာရကိုရခိုင်နိုင်ငံသက်ရှိထင်ယှားဟိယင့်သားနန့်အောက်သားလီသံနန့်ရခိုင်သားတစ်ယောက်ဖြစ်တေရခိုင်သူမြတ်ကမွတ်လို့ရီးခလီပိုင်။ကျွန်တော့သူငယ်ချင်းမထင်စွာပိုင်၊ကျွန်တော်လေ့မထင်ပါ။ကျွန်တော့်သူငယ်ချင်းကငါရို့ကိုယ့်စွာကိုပြန်ကြည့်မယ်ပြောရေခါကျွန်တော်ရို့နှစ်ယောက်စလုံးစွာကျွန်ပြုပညာရီးစနစ်အောက်မှာနှစ်ပေါင်း၂၀နီးပါးသင်နီခရစွာ၊ရခိုင်စာကိုတလုံးလေ့မလေ့လာရသိစွာကိုအံ့သြဖို့ကောင်းလောက်အောင်၊ကြောက်ဖို့ကောင်းလောက်အောင်တွိရပါရေ။အချေခါဝတ္ထုချေတစ်ပုဒ်သုံးစွဲချင်ကေဗမေ၀တ္ထုသုံးစွဲ၊တေးခြင်းချေတစ်ပုဒ်စားချင်ကေအောက်သားလီသံနန့်ရာစား။အဂုမှစာပြန်ရှာခါadjတိယှားပါး၊advတိမျိုးတုံးခါနီးနီး။ဒေသူရို့ဖျောက်ပစ်စွာကျွန်တော်ရို့စွာကိုယင်းသူစွာပိုင်ယက်ပိုင်။ဝေါဟာရတိကထင်ယောင်ထင်မှား။အယူအဆတိထင်ယောင်ထင်မှား။"ရရစ်မနိုင်ရခိုင်ကိုမီး"လတ်။ရခိုင်သားစာရီးကေလီသံအတိုင်းရီးမှမှန်စွာပိုင်ယက်ပိုင်ရခိုင်သားတိကလေ့င်။နောက်လာဖို့အချေတိကတော့ခါပြောစရာမလိုဗျာ။အောက်သားအတွေးအခေါ်ပို့ချနီရေအောက်သားဆရာ၊ဆရာမတိ၊ရခိုင်ဆရာမချေ၊ဆရာချေတိပို့ချစွာချေတိကိုစားသုံး၊၀ါးမျိုခံ။ဒေအချိန်ကိုယ့်စာကိုကိုယ်ပြန်လို့အယင်ယူကေယူမယူကေနောက်လာဖို့ဆယ်နှစ်မှာမစဉ်းစားဝံ့စရာ။ဂွကျစွာကတစ်ယောက်ကငါရို့ရခိုင်သားစာမှာယှိရေမယှိဝေဆိုစွာမဟိဝေး။ဟိရေမဟိလို့ရာဟိရေဆိုကေနောက်တစ်ယောက်ကလက်မခံ။အဂုသုံးနီကတ်တေကာလို့ထောက်ပြ။ယင်းပိုင်ဆိုကေအဂုအချေတိစောင်ချုံချင်နီကတ်ပျာယ်ထောလို့ပြန်ထောက်ပြချင်ရေလို့ကျွန်တော့သူငယ်ချင်းပြောပြစွာတော့ခါအချက်ကျရေလို့ကျွန်တော်တော့ထင်ပါရေ။ယင်းသူကဆက်ပြောရေဖြစ်နိုင်စွာကတော့ခါဒေပိုင်ညှိနီလို့ကတော့ခါကျွန်တော်ရို့ရခိုင်သားတိကလေ့ဆရာကများနန့်ထိုသူတပေါက်ဒေသူတပေါက်ကျီဖို့မဟုတ်။အာဏာရရေကိုယ့်စာကိုကိုယ်ချစ်တေရခိုင်အစိုးရကကိုယ့်စာတစ်ခုကိုအယင်သတ်မှတ်၊ပြီးမှတဖြည်းဖြည်းပညာဟိတိကထပ်ပြင်။တနားကေပေါ်ရေနန်းရာလို့ထောက်ပြယင့်။ဟုတ်တေ။အမှန်ဗျာယ်။ကျွန်တော်ရို့မှာကိုယ့်အစိုးရကကိုယ့်စာကိုကိုယ်အယင်သတ်မှတ်၊ကိုယ့်စာကိုကိုယ်ပြန်သင်ဖို့အချိန်တန်ဗျာယ်။ရခိုင်စကား၊ရခိုင်စာ၊ရခိုင်ယဉ်ကျေးမှုမပျောက်ဖို့လွတ်လပ်ရီးယူဖို့အချိန်တန်ဗျာယ်။တန်တောင်မကလွန်တောင်လွန်နီဗျာယ်။မွတ်ကတ်ဖိချလွတ်လပ်ရီးကို။
IOA