လွတ်လပ်ရီးအနုပညာ

 ကျွန်စာကိုသင်၊ကျွန်စကားပြော၊ကျွန်ပိုင်စဉ်းစား၊ကျွန်ပိုင်ကျင့်ကြံ၊ကျွန်ပိုင်နီထိုင်၊ကျွန်စိတ်မပျောက်ပဲနန့်အချိန်တိကကျွန်တော်ရို့ကိုကျော်ဖြတ်လားရေ။အပြစ်ပြောစွာတော့မဟုတ်။အင်္ဂလိပ်တိကအစပြုပနာရခိုင်ပြည်မှာဗမာစာသင်ခါကပင်ဟန့်ဖို့အတွက်မပေါ်ခကတ်။ကိုယ့်စာနန့်ကောင်းမကွာဆိုပနာတိန်းနီခကတ်တေဟိဖို့။တကြောင်းကစာမသင်စွာလူတိများရေဟိဖို့။အဂု‘ဟိ’ကတ်ဖို့လား‘ယှိ’ကတ်ဖို့လား‘ရှိ’ကတ်ဖို့လားအထိရောက်လားခကတ်ပျယ်။ အယင်ခါရခိုင်သားတိဟိခြင်းမဟိခြင်းကို‘shi’လို့အဂေါင့်အသံထွက်လီကတ်ဖို့လား ဇာတွက်ပြောင်းလဲလာလေ။ကျွန်စာကိုသင်ပနာလိုက်တုခလီစွာရာလာ၊ပိုမှန်စွာတစ်ခုကိုပြောင်းဖို့အချိန်တန်လို့ပြောင်းလာစွာရာလာ။ကျွန်တော်ကိုယ်တိုင်လေ့သော့အဂု‘shiရေ’‘မshi’လို့ရာပြောဖြစ်နီပါဗျာယ်။အဘောင်သျှင်၊အဖိုးသျှင်ရို့ကတော့ခါ‘ဟိမ့်ရေ’‘မဟိမ့်’လို့အသံထွက်ပါသိရေ။ကျွန်စာမတတ်လို့ရာဟိပါဖို့။အောက်ချီးတိကိုယုံလို့ပေါင်းသင်းခပြီးနောက်ပိုင်းမှာယင်းသူရို့လှည့်ကွက်အောက်ပြားပြားမှောက်၊အမှန်မှောက်၊အဂုထက်သိနာလန်မထူနိုင်သိ။ယင်းသူရို့ခြီတစ်လှမ်းယင်ဖို့ခွင့်ပြုလိုက်ရရေ။တစ်ချို့သတ်ပုံတိကိုဒေသူရို့ပြုပြင်ပနာယင်းသူရို့စာအပိုင်ဖြစ်အောင်လုပ်ဖို့အခွင့်ရခကတ်တေ။ဦးဏှောက်(၀ဏှောက်လို့အသံထွက်ပါရေ)ကောင်းရေအသျှေတစ်ချို့ရို့အတတ်မြန်ကတ်ပါရေ ယင်းသူရိုသံယောင်လိုက်ဆိုပနာကိုယ့်စာကိုဖျက်ဆီးလီပါယင့်။ကျွန်တော်ရို့အဖအသင်းတိဟိပါဖို့ထင်ရေ။အပြစ်ဖို့စွာသဘောမဟုတ်၊ခန့်မှန်းကြည့်စွာရာ။ကျွန်တော်ရို့လက်ထက်မှာisဆိုစော်‘shi’ပြီးသား၊ဖြစ်ပြီးသား။ဇာပိုင်ပြောင်းကတ်ဖို့လဲ။ငပျင်းတစ်ချို့ကလူတောင်သီမျိုးရာဝေလို့လက်ပိုက်ထားကတ်ယင့်။ကျွန်စာ၁၆နှစ်လောက်သင်ပစ်စွာမှာအဂုadvတိ၊adjတိအားလုံးအရောရောအထွီးထွီး။ဇစ်မြစ်ကဇာလေ။ဖတ်စရာစာကမဟိ။ရီးစွာလူတိရာမရီးချင်လို့လား။ရီးဖို့မတတ်လို့ရာလာ၊မသိ။အသျှေခါကရခိုင်ပိုင်ရီးထားစွာရခိုင်သမိုင်း၊ပျို့၊ရတုစသည်စသည်မဖတ်ဖူးခစွာကတော့ခါယင်းစာပီတိနန့်အလှမ်းဝီးခလို့ရာလာ၊ယင်းစာပီတိပုံနှိပ်ထားစွာယှားပါးလို့ရာလာ၊ဘာဘာရို့မ၀ယ် နိုင်ခလီကတ်လို့ရာလာ၊ဘာဘာရို့ယင်းစာအုပ်တိကိုထုတ်ဖို့ဖဲသာမဟိလီခလီကတ်လုိ့ရာလာ၊အိန်တာနတ်မပေါ်သိလို့ရာလားမဆိုနိုင်ဗျာယ်။အဂုတော့တဖေ့ချေလောက်လှူးလာစော်မြင်ရယင့်အရိပ်အယောင်၊နိုးကျလား အောင်မျက်နှာခွက်ကိုရီသွန်ပစ်ရဖို့ထင်ရေ။အသျှေတိစာဖတ်တတ်တေအချိန်မှာယင်းသူရို့ကိုဖတ်ခိုင်းဖို့ကိုယ့်မှာစာမဟိ၊နည်းနည်းချေကြီးလာလို့ရည်းစားစာတောင်ရခိုင်ပိုင်မရီးတတ်ခ။ကြုံလို့ကျွန်တော့ကိုယင်းကောင်မချေအဖြေပြန်ပီးရေစာထဲမှာ‘ကိုလင်းကိုချစ်တယ်’ယပိုင်လတ်ထော။စိတ်ထဲမှာမအီမသာဖြစ်လားရေ။အသေအချာပြန် စဉ်းစားလိုက်ခါမှယင်းသူလေ့တက္ကသိုလ်တောင်တက်နီရေကျွန်စာကို၁၀နှစ်ကျော်သင်ထားစွာအချေတစ် ယောက်ရာလို့။ငါနန့်ကောင်းမခြား။ဇာရီးဖို့တတ်ဖို့လဲရခိုင်ပိုင်။ရခိုင်ပိုင်ရီးထားစွာအချစ်လုံးချင်းဝတ္ထုစာအုပ်ကမဟိ။စာအုပ်ဆိုင်တိမှာရခိုင်ကဗျာစာအုပ်တိကမဟိ။တာရာမင်းဝေလာ၊သစ္စာနီလာ၊လူနေလာ၊ဖေမြင့်လား၊ကျော်ဝင်းလား။ဟိစွာကိုဖတ်ရစွာဗျာယေ။ရခိုင်လုံးချင်းဝတ္ထုတိအသျှေတိပျင်းကေဖတ်ဖို့ဇာတွက်မထုတ်ကတ်စွာလေမသိ။ကဗျာချေတစ်အုပ်ဇာတွက်မထုတ်ကတ်စွာမသိ။ရသချေတစ်အုပ်ဇာတွက်မကျွေးကတ်လည်းဒေသူရို့ကို။ကံကောင်းလို့ရခိုင်တေးခြင်းချေတိဟိလာရေ။အဂုတော့အဟိန်နည်းနည်းကောင်းလာဗျာယ်။ယေကေလေ့လိုအပ်စွာတိဟိသိရေဆိုယင့်။ခံစားကတ်တေအသျှေတစ်ချို့ကယင်။ရခိုင်သားချေတစ်ယောက်ခံစားချက်တစ်ခုခုကို တေးခြင်းနားထောင်ပနာဖြေယှင်းချင်ရေအချိန်ခါငဖြူနားထောင်စရာမလို၊မောင်ငဲနားထောင်စရာမလို၊ငဂျောက်နားထောင်စရာမလို။ငါရို့မှာလေ့အဆိုတော်တိဟိစွာရာမလား။သမက်တက်ဖို့ဗမာမင်္ဂလာဆောင်တီးစရာမလို။ငါရို့မှာလေ့ရခိုင်သမက်တက်တေးခြင်းတိဟိစွာရမလားဒေ။သင်္ကြန်ကျဖို့မြနန္ဒာဆိုစရာကမလိုဗျာယ်။ဗမာဗွီဒီယိုဇာတ်လမ်းကကောင်းကအဆင့်မမှီကာ။ငါရို့မှာလေ့ဗွီဒီယိုဇာတ်လမ်းတိဟိရေကာ။ယေကေဇာအတွက်။ရခိုင်စကားပြောဇာတ်လမ်းဆိုကေနားထဲမှာကြားနီကျမဟုတ်တေလီသံဖြစ်လို့လတ်။ယေပြီးကေသရုပ်ဆောင်စွာလူတိလုပ်နီစွာကရယ်စရာလတ်ထော။အောက်ချီးကားလောက်တောင်မကောင်းဆိုကာ။ကျွန်တော့ကောင်မချေနန့်ပတ်သက်လို့ကျွန်တော်ခံစားနီရစော်အခြီအနီကိုဆိုထားစွာရခိုင်တေးခြင်းတစ်ပုဒ်ရာဟိရေလတ်ထော။နည်းသိလို့တောင်းဆိုကတ်စွာမနန်းယေ။ဗမာတန်းထက်မြင့်ရေတေးခြင်းတိကိုရီး၊ဗမာတန်းထက်မြင့်ရေvcdကိုရိုက်၊ဗမာတန်းထက်မြင့်ရေvideoကိုရိုက်၊ဗမာစာရီးဆရာတိထက်မြင့်ရေစာအုပ်တိထုတ်၊ဗမာလက်ကွက်ထက်ကျမ်းရေလက်ကွက်စာအုပ်တိရီး၊ရခိုင်အဘုချေတိစစ်တိုက်တမ်းကစပ်ကတ်ခါ’ဟေ့ယောင်လတ်နပ်ချ’လို့ဆိုရေလီသံနန့်ကစပ်ကဖို့သိလားဂု၊ရခိုင်သားရခိုင်စကားထက်ပယ်ပြီးကေအဂေါင့်ပြောဖို့သိလားယေကေ။ရခိုင်သားရခိုင်စာထက်လွဲလို့အဂေါင့်ဖတ်ဖို့သိလားအရာလေ့။ရခိုင်သားရခိုင်တေးခြင်းထက်လွဲလို့အရာဇာကိုနားထောင်ဖို့သိလဲ။ရခိုင်သားရခိုင်vcdကိုအရသာခံလို့ရဗျာယ်၊ရခိုင်သားရခိုင်videoထက်လွဲလို့ကြည့်စရာမလိုဗျာယ်။ရခိုင်သားရခိုင်စာမတတ်ကေ့မသင်ကေ့ဆိုလုိ့ရဖို့သိလားအဂေါင့်။ရခိုင်သားတိကိုယင်းခါအရာလေ့လွတ်လပ်ရီးမလိုချင်ကေ့ဟုမ့်သိဝေးလို့ဟန့်လို့ရဖို့သိလား။အနုပညာနန့်ရခိုင်သားကိုရခိုင်စာသင်ပါ။

IOA